பனித்துளிகள் பார்க்கிறேன்
ஒவ்வொரு துளியிலும்
உன் பிம்பம் காண்கிறேன்
நீ வந்து சென்ற நாள்
மேகங்கள் கூட்டமே
நீயில்லா நாளிலே
வானமது வாட்டமே
தூறல் விழும் தூரங்கள்
நீயிருந்தால் அருகிலே
வந்த செய்தி என்றுமே
மழை வந்து சொல்லுமே
நான் காணா உலகங்கள்
உன் உள்ளக்கிடக்கிலே
எப்போதும் இருந்திடு
என் இருக்கை அருகிலே
மழை நின்ற போதிலும்
பனித்துளிகள் பார்க்கிறேன்
ஒவ்வொரு துளியிலும்
உன் பிம்பம் காண்கிறேன்