நிலா பொழியும் நேரத்தில்

நிலா பொழியும் நேரத்தில்

நீ வந்து நின்றாய் ..

இரவு பாடகனாய்

நான் மாறிப் போனேன் .

வசந்தத்தின் இருப்பை

உன் வருகை அறிவிக்க

நான் மரமாகிப் போனேன் .

நீ வரைந்த கோடுகள்

வானவில்லாய் மாற

தூரிகையாய்

நான் மாறிப் போனேன்

கனவில்

கனவில் தொலைத்ததாய்
கண்டெடுத்து வந்து கொடுத்தாய்
நம் காதலை..
நான் நித்திரை கொண்டே நெடுநாட்களானதென்பதை
எப்படி சொல்வது உன்னிடம்?