இதய எமோஜிக்கள் 💛💚💙❤️

 

சிவப்பு இதயங்கள்,

பச்சை இதயங்கள்,

ஏன்

ஊதா இதயங்களும் உண்டு!

வண்ண வண்ண பூக்கள் போல,

வண்ண வண்ண இதயங்கள்.

யாரேனும் அவற்றில்

அன்பின் வாசனை நுகர்ந்ததுண்டா?

அன்பின் நிமித்தமாய்

 

அன்பின் நிமித்தமாய்

என்னை நீ

பயன்படுத்திக் கொள்வதில்

எந்த வருத்தமும் இல்லை,

தயவுசெய்து 

அந்த சூட்சுமத்தை

மட்டும் வேறொருவருக்கும்

சொல்லிக் குடுத்து விடாதே

எல்லோரிடமும் என்னால்

ஏமாற முடியாது.