உனது அழுகை..

உனது
அழுகைக்கான அர்த்தங்கள் புரிவதில்லை
இருந்தும்
தொடர்ச்சியான
தீர்வுக்கான தேடலில் நான்....

படித்ததில் பிடித்தது.

வெளிவரட்டும் தமிழனின் உண்மையான வரலாறு!

படித்ததில் பிடித்தது.

இவளும் இவனும்

வயதும் வருத்தமும்

சிறுவர்கள்

பெரியவர்களாக ஆசைப்படுவதும்

மீசை வரைந்து

மகிழ்ச்சி கொள்வதும்,

பெரியவர்கள்

சிறியவர்களாய் நினைத்துக் கொள்வதும்

மீசை மழித்து

முகம் பார்ப்பதும்,

வயதின் வருத்தம்

வாடிக்கையே எல்லாருக்கும் எப்போதும்.

நீ,கவிதை ,காரணம்

எங்கேனும் ஒளிந்திருக்கும்

என்னோடு நீ இல்லாமல்போன காரணங்கள்.

அவை சொல்லும்

உன்னைப் பற்றிய கவிதைகளுக்கான அர்த்தங்களை....

தேவதைகள்

தேவதைகள்
சொல்லிவைத்து வருவதில்லையென்றாலும்..
சட்டென வந்து நிற்பதும்,
வரங்கள் தந்து மகிழ்விப்பதும்
தற்செயலானதல்ல..

நான்

நீ நீயாக இல்லாத

நாட்களில் மட்டுமே

நான் நானாக இருக்கிறேன்..

உன்..

உன் வெறுமை

ஏற்படுத்தும் கோபங்கள்

சற்றென கொல்லப்படுகின்றன.

சூழ்நிலைக் கூச்சல்கள்

குற்றமாய்த் தெரியவில்லை.

தனிமையின் அதிர்வுகள்

ஏனோ அந்நியப்படுத்துவதில்லை.

இன்னும் இருக்கின்றன

நீ விட்டுச்சென்ற

உன் நிமிடங்கள்.

உன் நினைவுகளற்ற....

உன் நினைவுகளற்ற இரவுகளையும்

நீ வந்து போகாத கனவுகளையும்

வெறிச்சோடிப்போன

அதிகாலை வானம்

நினைவுபடுத்திக்கொண்டிருக்கிறது...

நேற்றிரவு...

நேற்றிரவு

நண்பனொருவன்

சொல்லிச்சென்றான்

நீ நல்லவனாக இருப்பதே

பெரும் பிரச்சனையென்று...