அரசன்

விழித்துப் பார்த்தால்

நாட்டின் அரசனாக இருக்கிறேன்,

பட்டாடை சகிதம்

பெரும் போஜனம் கிடைத்தது,

அடுத்ததாய் அமைச்சரவை கூட்டம்,

கஜானா நிலவரம் சரியில்லை,

அந்நிய நாட்டு அலப்பறை வேறு,

வரி வசூலிப்பு ஒன்றும்

பிரமாதமில்லை,

புதிதாய் கோவில் கட்ட வேண்டுமாம் 

ஆஸ்தான ஜோதிடர் அறிவுரை,

எதிரி நாட்டு அரசன்

போருக்கு ஓலை அனுப்பியுள்ளான்.

நான் கிளம்பிவிட்டேன்

பழைய வேலைக்கு

ஊதியம் குறைந்தாலும் 

பரவாயில்லையென்று