கனவுக்குப்பைகள்

வார்த்தைகளற்ற வாஞ்சைகள்

2012-02-09T14:18:00.001-08:00

இன்னும் அடைந்தே கிடக்கின்றன

அளப்பறியா அன்பும் பாசமும்.

உறுதிப்படுத்த உதாரணங்களே

இங்கே தேவைப்படுகின்றன.

வார்த்தைகளற்ற வாஞ்சைகளை

உணரும் மனங்கள்

மரித்து வருகின்றன

என்பதே உண்மை.

இந்தியா என்னும் மீடியா உலகம்

2011-10-07T13:56:00.000-07:00

இந்தியா என்னும் மீடியா உலகம்

அன்னா ஹஜாரே அவர்களின் போராட்டமும், அதைத் தொடர்ந்த நிகழ்வுகளையும் உற்றுப் பார்த்தால் மேற்கொண்ட தலைப்பின் விவரம் புரியும்.

அன்னா ஹஜாரே அவர்கள் முன்வைக்கும் லோக்பால் இதுவரை உள்ள சட்டங்களுக்கும் மேல் அதிகாரம் கொண்ட அமைப்பினை வலியுறுத்துகிறது.ஏதோ இப்போது உள்ள சட்டங்கள் சரியில்லை என்பது போன்ற மாயையை உருவாக்குகிறார்.ஊழலுக்கு எதிரான சட்டம் வன்ற ஒரு சொல்லை முன்வைத்து ஊடகங்களும் ,அன்னா அவர்களும் மக்களை வைத்து ஒரு கண்கட்டி வித்தை நடத்திக் கொண்டிருக்கிறார்கள் .இருக்கும் சட்டங்களே போதுமானது என்பதும்,அவற்றை சரியாக வழிநடத்தி செல்லும் நேர்மையான அரசியல் மற்றும் மனிதர்கள் இல்லை என்னும் உண்மையை மக்கள் உணரா வண்ணம் திசைதிருப்பப்பட்டிருக்கிறார்கள்.

அன்னா முன்வைக்கும் லோக்பால் பற்றி எந்த ஒரு ஊடகமும் அதன் சாராம்சங்களை விளக்கியதாகவோ ,மக்கள் அறிய முற்பட்டதாகவோ உணர முடிய வில்லை.முழுக்க முழுக்க விளம்பரம் தேடும் ஆதாயத்திற்காக மக்களால் ,இன்னும் பிற பிரபலங்களால் நடத்தப்பட்ட ஆதரவு போராட்டங்கள் கேலிக்குரியவை.

அன்னா முன்வைக்கும் லோக்பால் அடித்தட்டு மக்கள் எதிர்கொள்ளும் அன்றாட ஊழல் பிரச்சனைகளுக்கு எந்த வித தீர்வையும் முன்வைப்பதாக தெரிய வில்லை.

மாறாக ஏற்கனவே பணம் கொழுத்த கார்ப்பரேட் நிறுவனங்கள் மென்மேலும் பணம் சேர்க்க வழி செய்கிறது.

கடைசியில் மத்திய அரசும் தலையாட்டி விட்டது லோக்பாலுக்கு.அதன்பின் நடக்க இருக்கும் கேளிகூத்துக்களை நினைத்தால் பெரிய அயர்ச்சி ஏற்படுகிறது. அப்போதும் எவரொருவரை விடவும் ஊடகங்களே மிகப்பெரும் நன்மை அடையப் போவதென்பதும்

நமது பொழுதுபோக்கிற்கு நல்ல காலம் என்பதும் உண்மை.

நமக்கெல்லாம் எப்போதும் ரஜினியை போல் சூப்பர் ஹீரோ தேவைப் படுகிறார்.நாம் எதுவும் செய்யாமல் எல்லாமும் சரியாக நேர்மையாக நடக்க வேண்டும்.

"திருடனாய்ப் பார்த்து திருந்தாவிட்டால் ,திருட்டை ஒழிக்க முடியாது"

நாம் எல்லோரும் இன்னும் திருடர்களே !

-மதுசூதனன்

கனவுகள்

2011-10-03T16:15:00.001-07:00

கனவுகள் எப்போதுமே நமக்கு பிடித்தமானவையாக இருக்கின்றன,நாம்

முழுக்க ,முழுக்க நாமாக இருப்பதாலேயே .

அவை தொடர்பற்ற காட்சிகளால் கோர்க்கப்பட்டுள்ளன.

நமது வெளிபடுத்தாத ஆசைகளையும்,உண்மை முகத்தையும் ,ஆழ் மன

ஆதங்ககளையும் நமது அனுமதியின்றி திரையிடுகின்றன.

சில கனவுகள் முடிவும்,தொடக்கமும் கொண்ட திரைப்படம் போல

ஆச்சர்யமூட்டுகின்றன.

நாம் பிரிந்த,இழந்த மனிதர்களுடன் மிகச் சாதாரணமாக உரையாட வைக்கின்றன.

நாம் பார்த்தேயிராத ,அனுபவம் கொள்ளாத நிகழ்வுகளும் ,சம்பவங்களும்,இடங்களும்

சம்பந்தமற்ற மனிதர்களுடன் நிகழ்த்தப் படும் கனவுகள் அறிவியலுக்கு அப்பாற்ப்பட்டது .

சில நிகழ்வுகள் நாம் ஏற்கனவே கனவில் கண்டதாய் உணர்வது எவரொருவரும்

மறுக்க இயலாதது.

நம்மை மகிழ்விக்கும் கனவுகள் சட்டென கலைத்து விடும்பொழுது ,

அதிகமாய் கோபம் கொள்கிறோம்.மீண்டும் தொடர முயற்சி கொள்கிறோம்.

நம்மை வருத்தம் கொள்ள செய்யும்,நாம் தோல்வியுற்ற கனவுகள் வெறும்

கனவுகளே என்று உணரும்பொழுது அடையும் ஆனந்தம் அளவிலாதது.

-மதுசூதனன்

நிலா பொழியும் நேரத்தில்

2011-09-27T12:11:00.001-07:00

நிலா பொழியும் நேரத்தில்

நீ வந்து நின்றாய் ..

இரவு பாடகனாய்

நான் மாறிப் போனேன் .

வசந்தத்தின் இருப்பை

உன் வருகை அறிவிக்க

நான் மரமாகிப் போனேன் .

நீ வரைந்த கோடுகள்

வானவில்லாய் மாற

தூரிகையாய்

நான் மாறிப் போனேன்

காங்கிரஸ் முடியப் போகும் பயணம்

2011-09-26T11:35:00.001-07:00

காங்கிரஸ் அளவுக்கு அதிகமாகவே தன்மீது மண்ணை வாரித் தூற்றிக் கொண்டுள்ளதாக தெரிகிறது.

Anna Hazaare ,ஈழப் பிரச்சனை ,2-G Spectrum ,Commonwealth Games விசயங்களிலான அணுகுமுறை தன்னை

ஒரு மோசமான முன்னுதாரமாக காட்டிக் கொண்டுள்ளது.

நடந்து முடிந்த சட்ட மன்ற தேர்தலில் தமிழகம் சரியான பதிலை கொடுத்துள்ளது.

முன்னெப்போதும் இல்லாத அளவிற்கான ஊழல் காங்கிரஸில் நடந்ததும்,நடந்து கொண்டிருப்பதும் அடித்தட்டு

மக்கள் வரை அறியப்படும் அளவில் உள்ளது தற்போதைய நிலைமை.

தற்போது சிதம்பரம் விசயத்தில் பிடிவாதமாக இருப்பதும்,திடீரென அறிவிக்கப்பட்ட முவரின் தூக்குத்

தண்டனை அறிவிப்பும் மிகக் கீழ்த்தரமான அரசியலை முன்னெடுத்து வைக்கிறது.

மும்பை தொடர் குண்டு வெடிப்புகளில் தீவிரமான ,திட்டமிட்ட செயல்பாடுகள் ஏதும் இதுவரை

இருந்து கொண்டிருப்பதாக தெரியவில்லை.

இன்னும் சுமாராக இரண்டரை ஆண்டுகள் இருக்கும் நிலையில் தன்னை திருத்திக் கொள்வதாகவோ ,

திருத்திக் கொள்ள வாய்ப்பிருப்பதாகவோ தெரியவில்லை.

மிகச்சிறந்த அனுபவமிக்க ஆட்சியாளர்களின் செயல்பாடுகள் குறுகிய மனப்பான்மையுடன் இருப்பதே

அவர்கள் சந்தித்து வரும் அத்தனை பிரச்சனைகளுக்கும் காரணமாக இருக்கமுடியும்.

இதே நிலை தொடருமெனில் தமிழகத்தில் திமுகவின் தற்போதைய நிலைமையே காங்கிரேசும்

அனுபவிக்க நேரும் என்பதில் ஐயம் ஏதுமில்லை.

கனவில்

2011-09-06T15:13:00.001-07:00

கனவில் தொலைத்ததாய்
கண்டெடுத்து வந்து கொடுத்தாய்
நம் காதலை..
நான் நித்திரை கொண்டே நெடுநாட்களானதென்பதை
எப்படி சொல்வது உன்னிடம்?

Corporate எனும் கடுஞ்சொல் .

2011-09-02T14:32:00.000-07:00

Corporate எனும் கடுஞ்சொல் ...

" நீ நீயாக இருக்கக்கூடாது " என்பதே முதல் விதியாகக் கற்பிக்கப்படுகிறது.
முடிந்தவரை வாடிக்கையாளரிடம் உண்மை பேசாமலிருக்க அறிவுறுத்தப்படுகிறது.
ஆனால் ஊழியர்கள் உண்மையாய் இருக்க எதிர் பார்க்கபடுகிறார்கள்.
நியாய தர்மங்கள் நேரடியாக குப்பைக் கூடைக்கு அனுப்பப்படுவது வழக்கமான ஒன்று .

பெருமபாலும் மேலைநாட்டவர்க்கே நாம் உழைக்கிறோம்.அவர்கள் அவர்களாகவே இருக்கிறார்கள்.
நாம்தான் நாமாக இருக்க அனுமதிக்கப் படுவதில்லை.

இங்கே பணமே பிரதானம் .அதற்காகவே எல்லோரும் வளைந்து கொடுக்கும் வாழ்க்கைக்கு பழக்கப் படுத்தப்படுகிறார்கள்.எவரொருவரும் தனக்கு விருப்பமான செயலை அல்லது தனக்கு சரியென படும் செயலை செய்ய அனுமதிக்கப் படுவதில்லை.பணம் கிடைக்கும் வரை நாமும் செய்கிறோம்.பணம்
கிடைப்பதாலேயே நம்மை அதற்கு தயார் படுத்தி கொள்கிறோம்.

உனது சுதந்திரமான சிந்தனைக்கு, சுதந்திரமான யோசனைகளுக்கு, சுதந்திரமான கருத்துக்களுக்கு இடமுண்டு.ஆனால் அவை இங்கு கட்டாயமாக்கப் படுகின்றன.

எல்லோரும் எப்போதும் ஓடிக் கொண்டேயிருக்க வேண்டும்.எதற்க்காக என்று தெரிந்தாலும், தெரியா விட்டாலும்...

பணியிடத்தை ஒரு குடும்பமாய் பாவிக்க அறிவுறுத்தப்படுகிறோம் .அதன் மூலமாக தனது சொந்த குடும்பத்தை பற்றிய எண்ணங்கள், கவலைகள் உன்னால் நிகாகரிக்கப்படக் கூடும்.

சமூகத்தில் உனக்கு பெரிய அந்தஸ்து இருப்பதாய் ஒரு போலி கவுரவம் அளிக்கப்படும் ,நீ பணம் கறக்கப் படும் இயந்திரமாய் இருக்கும் வரையிலும்.

ஒரு கட்டத்தில் நாம் மட்டுமின்றி நமது குடும்பத்தாரும் மேற்ச் சொன்ன குணாதிசயங்கள் உள்ளவர்களாக மாற்றப்படுகிறார்கள் அறிந்தோ அறியாமலோ ..

மகிழ்ச்சி மற்றும் சந்தோசங்கள் முன்பே திட்டமிடப் படுகின்றன அல்லது கட்டாயமாக்கப் படுகின்றன.சில சமயங்களில் சிரிப்பதற்குக் கூட சொல்லித் தரப்படுகின்றன.

நிறையவே பேசியாகி விட்டது.எனக்கும் ஓட வேண்டும்.பிறிதொரு நாளில் பார்ப்போம்...

- மதுசூதனன்.

ஜெயலலிதா

2011-08-30T13:47:00.001-07:00

ஜெயலலிதாவின் அணுகுமுறையில் மிகச் சிறந்த முன்னேற்றம் .
அவர் பெரும்பாலும் அடக்குமுறை நடவடிக்கைகளாலேயே அறியப்பட்டு வந்துள்ளார் .
இந்த முறை அவர் ஆட்சியேறிய முதல் ,மக்கள் விருப்பம் சார்ந்தே அவரது
நடவடிக்கைகள் இருந்து வருகிறது சமச்சீர் கல்வி தவிர .
இலங்கை பொருளாதாரத் தடை மற்றும் சமீபத்திய தூக்குத்தண்டனை எதிர்ப்பு தீர்மானங்கள் அவற்றில் சில .
இவரின் தற்போதைய அணுகுமுறை பெருவாரியான மக்களால் ஆதரவும் பாராட்டும் பெற்று வருவது
குறிப்பிடத் தக்கது .திமுகவினர் மீதான நடவடிக்கைகள் ஒருவகையில் சரியென்றே படுகிறது.
இப்போதே அதிக நம்பிக்கை வைப்பது அதிகமென்றாலும்,இது தொடர வேண்டும் என்ற ஆசை மேலிடுவது
உண்மையே.இவ்வாறே தொடருமெனில்,தமிழ் நாட்டின் முன்னேற்றப் பாதை தீர்க்கமானதாகவே தெரிகிறது.
என்னைப் பொறுத்த வரையில் அவர் எப்போதும் விருப்பமான தலைவராக இருந்ததில்லை.ஆச்சர்யமூட்டும்
வகையில் அவரது அணுகுமுறையின் மாற்றம்,அவரை பாராட்டும் மனநிலைக்கு தள்ளப்பட்டுள்ளது.
கருணாநிதி நடத்தும் போலி நாடங்கள் எப்போதும் இவரிடம் இருந்ததில்லை.
கடந்தவை கசப்பானதாகவே இருந்த போதிலும் ,நடப்பவை மிக நல்லதாக இருக்கும் பட்சத்தில்,பாராட்டுவதில்
தவறேனும் இல்லை.
திமுக எதிர்ப்பு நடவடிக்கைகளை தவிர்த்து,தமிழ்நாட்டின் முன்னேற்ற விசயங்களில் அதிக கவனம் செலுத்தினால்
மிகச் சிறந்த தலைவராக அறியப் படுவார்.
தற்போதைய ஆட்சிக் காலம்,அவரது எதிர்கால அரசியலுக்கு மிகச் சிறந்த ஆணிவேராக அமையக்கூடும்.
-மதுசூதனன்.

பேரறிவாளன், சாந்தன், முருகன்

2011-08-29T15:07:00.000-07:00

பேரறிவாளன், சாந்தன், முருகன் தூக்குத்தண்டனை அறிவிப்பு ஏனோ
இலங்கை பொருளாரத்தடை தீர்மானங்களை திசைதிருப்பவவோ என்று தோன்றுகிறது.
சுமார் 11 ஆண்டுகள் தள்ளிப்போடப்பட்டு வந்த கருணை மனு மீதான முடிவு ,அரசியல்
காரணங்களுக்க்காகவே இப்போது எடுக்கப்பட்டுள்ளதாக தெரிகிறது.

கடந்த சில நாட்களாக தமிழ்நாட்டில் நடந்து வரும் போராட்டங்களும் ,ஆர்ப்பாட்டங்களும்
மிக நீண்ட நாட்களுக்குப் பிறகு தமிழுணர்வு தமிழனிடத்தில் மேலோங்கி வருவதாக மகிழ்ச்சியளிக்கிறது.

காந்தியின் அடையாளமாகக் கருதப்பட்டு வந்த காங்கிரசின் காழ்ப்புணர்ச்சி நாடகங்கள் வெட்ட வெளிச்சமாகி வருகின்றன.

லட்சம் பேரை கொன்று குவித்த ராஜபக்சே என்ற ராட்சசனை ஒன்றும் செய்ய இயலாது என சொல்கிறார் எஸ்.எம்.கிருஷ்ணா .
மறுபுறம்,குற்றம் முழுதாக நிருபிக்கப் படாமலே மூவர் தூககிலிடப்படப் போகிறார்கள் .

இலங்கை போர் ,மீனவர் படுகொலை,இன்னும் பிற விசயங்களில் தமிழனின் உயிர் துச்சமாகவே துண்டாடப் பட்டு வருகிறது.
தமிழ் நாட்டு அரசியல்வாதிகளின் அரசியல் லாப செயல்களுக்கும் இதில் பெரும் பங்குண்டு.
மரண தண்டனை அவசியமற்றது எக்காலத்திலும் ! எதற்காகவும் !
கடவுளே இல்லை என்பவனும் ,கடவுளையே வேண்டும் சூழ்நிலைக்குத் தள்ளப்பட்டுள்ளான் இப்போது இந்த மூவருக்காக..
வேறொன்றும் வழி இருப்பதாய் தோன்றவில்லை ,தமிழனாய் பிறந்ததுக்கு அழுவதை தவிற..
-மதுசூதனன்.

நீ

2011-06-15T15:47:00.000-07:00

நீயோ
தொலைந்தே போன
ஞாபகக்குவியல்களிலிருந்து
தேடித் தருகிறாய் நம் காதலை ...
நானோ
நிகழ்கால நினைவுகளற்ற
நித்திரையிலிருக்கிறேன்.

நான் நானாக...

2011-06-14T16:33:00.001-07:00

நான் நானாக இருப்பதின்
சங்கடங்களை
நான் மட்டுமே அறிவேன் ...

உனது அழுகை..

2011-06-14T16:32:00.000-07:00

உனது
அழுகைக்கான அர்த்தங்கள் புரிவதில்லை
இருந்தும்
தொடர்ச்சியான
தீர்வுக்கான தேடலில் நான்....

படித்ததில் பிடித்தது.

2010-07-14T13:30:00.000-07:00

வெளிவரட்டும் தமிழனின் உண்மையான வரலாறு!

படித்ததில் பிடித்தது.

2010-07-04T10:36:00.000-07:00

இவளும் இவனும்

வயதும் வருத்தமும்

2010-07-02T12:19:00.000-07:00

சிறுவர்கள்

பெரியவர்களாக ஆசைப்படுவதும்

மீசை வரைந்து

மகிழ்ச்சி கொள்வதும்,

பெரியவர்கள்

சிறியவர்களாய் நினைத்துக் கொள்வதும்

மீசை மழித்து

முகம் பார்ப்பதும்,

வயதின் வருத்தம்

வாடிக்கையே எல்லாருக்கும் எப்போதும்.

நீ,கவிதை ,காரணம்

2010-07-02T12:09:00.000-07:00

எங்கேனும் ஒளிந்திருக்கும்

என்னோடு நீ இல்லாமல்போன காரணங்கள்.

அவை சொல்லும்

உன்னைப் பற்றிய கவிதைகளுக்கான அர்த்தங்களை....

தேவதைகள்

2009-09-05T00:07:00.000-07:00

தேவதைகள்
சொல்லிவைத்து வருவதில்லையென்றாலும்..
சட்டென வந்து நிற்பதும்,
வரங்கள் தந்து மகிழ்விப்பதும்
தற்செயலானதல்ல..

நான்

2009-07-18T22:23:00.001-07:00

நீ நீயாக இல்லாத

நாட்களில் மட்டுமே

நான் நானாக இருக்கிறேன்..

உன்..

2009-07-11T00:21:00.000-07:00

உன் வெறுமை

ஏற்படுத்தும் கோபங்கள்

சற்றென கொல்லப்படுகின்றன.

சூழ்நிலைக் கூச்சல்கள்

குற்றமாய்த் தெரியவில்லை.

தனிமையின் அதிர்வுகள்

ஏனோ அந்நியப்படுத்துவதில்லை.

இன்னும் இருக்கின்றன

நீ விட்டுச்சென்ற

உன் நிமிடங்கள்.

உன் நினைவுகளற்ற....

2009-07-08T12:20:00.000-07:00

உன் நினைவுகளற்ற இரவுகளையும்

நீ வந்து போகாத கனவுகளையும்

வெறிச்சோடிப்போன

அதிகாலை வானம்

நினைவுபடுத்திக்கொண்டிருக்கிறது...

நேற்றிரவு...

2009-07-08T12:08:00.000-07:00

நேற்றிரவு

நண்பனொருவன்

சொல்லிச்சென்றான்

நீ நல்லவனாக இருப்பதே

பெரும் பிரச்சனையென்று...

யாருமல்லாத யாரையோ..

2009-07-07T10:22:00.001-07:00

யாருமல்லாத யாரையோ

நாம் எல்லோரும்

பிரதிபலித்து வாழ்ந்துவருவதாக

நேற்றைய கனவில்

நான் நானுமல்லாத

என்னிடம் சொன்னேன்.

பிரியமற்றே....

2009-07-07T10:21:00.001-07:00

பிரியமற்றே இருந்திருக்கின்றன

உன் வீட்டு நாய்க்குட்டியும்

என் வீட்டு நாய்க்குட்டியும்

நாம் பிரியப்போவதறிந்து...

இன்னுமொரு...

2009-07-04T06:58:00.000-07:00

இன்னுமொரு

சாதாரண பொழுதென கழிகின்றன

உன் கணங்கள்.

நானோ

சலனமூட்டும் உன்னுடனான

சந்திப்புகளை தவிர்க்கும்

சாதுர்யமின்றி தவித்தொழிகிறேன்.

பொதுவாக...

2009-07-03T18:23:00.000-07:00

பொதுவாக
முகம் தெரியாத மனிதர்களே
நாம் போகவேண்டிய
இடத்திற்கான வழி சொல்கிறார்கள்.

வார்த்தைகளற்ற...

2009-07-03T17:32:00.000-07:00

வார்த்தைகளற்ற உன் மௌனங்கள்

சொல்லிக்கொண்டிருக்கின்றன

உன் காதலை..

ஓயாமல் பேசினாலும்

உணர்த்த முடிவதில்லை என்னால்...

தமிழகமே!!

2009-06-20T07:46:00.000-07:00

உன் நாட்குறிப்பேடுகளிலோ

உன்னை ஞாபகமூட்டும் சாதனங்களிலோ

குறிப்பேற்றிக் கொள்

'ஈழம்' என்ற வார்த்தையை..

சில நாட்களில் நீங்கள்

மறந்து விடக்கூடும்.

கூடவே பழக்கப்படுத்திக்கொள்

" தமிழனா நீ! இவனைக் கொல்லுங்கள் "

என்ற வார்த்தைகளை..

எதிர் காலத்தில் பயன் படக்கூடும்.

முல்லைத்தீவு.

2009-06-20T07:28:00.001-07:00

ஒவ்வொரு ஈழத்தமிழனின்

ஒவ்வொரு அதிகாலைக் கேள்விகள்

இவ்வாறு இருக்குமோ?

நான் உயிருடன் இருக்கிறேனா?

நேற்று என்னுடன் இருந்தவர்கள்

இன்றும் இருக்கிறார்களா??

என்ன தவறு செய்தோம்

தமிழனாய் பிறந்தது தவிர...

தலைவன் இருக்கிறான்

2009-06-20T07:23:00.001-07:00

நீ அறிந்தோ அறியாமலோ

உன் ஆரம்பமும் முடிவும்

சுபாஷ் சந்திரபோசையும்

சே குவேராவையும்

பின்பற்றியே வந்துள்ளது.

நீ அடைந்தது வீர மரணமெனில்

உனது இரத்தத் துளிகளில்.

புது விருச்சங்கள் முளைக்கும்.

புது தமிழ் உலகம் பிறக்கும்.

நீ இருப்பாயெனில்

அது உன் தலைமையில் நடக்கும்.

அதுவரை

உன் வரலாறு

மர்மமாகவே தொடரட்டும்.

வலி வலியாகவே..

2009-06-20T07:06:00.000-07:00

நீ விட்டுச்சென்ற வலி போக்கும்

முயற்சிகள் யாவும்

வலியின் வீரியத்தைக் கூட்டுகின்றன.

கறை துடைக்கும்

குழந்தையின்

கறையான கைகளைப் போல..

நீ இருந்தவரை புரியவில்லை

2009-06-19T07:32:00.000-07:00

உனது அருகாமை உணர்த்தாத

ஆயிரம் அர்த்தங்களை

உன்

ஒரு நாள் பிரிவு

உணர்த்தி விட்டது.

அம்மா

2008-12-05T02:47:00.000-08:00

கருப்பு

2008-06-26T22:56:00.000-07:00

பிடித்த நிறம்
என்பதாலோ என்னவோ
வாழ்க்கை இருண்டே கிடக்கிறது.

புரியாத விளக்கங்கள்..

2008-04-28T11:31:00.000-07:00

எப்படியும் ஏதோ
எழுத வேண்டுமென்று
எழுதியதை
எப்போது எப்படி
எழுதினாய் என்று கேட்டால்
எப்படிச் சொல்வது?

படித்ததில் பிடித்தது..

2008-04-21T23:30:00.000-07:00

சிறகிலிருந்து
பிரிந்த இறகு
காற்றின் தீராதப் பக்கங்களில்
பறவையின் வாழ்வை
எழுதிச் செல்கிறது..
- கவிஞர் பிரமிள்

கேள்வியும் பதிலும்..

2008-04-20T22:13:00.000-07:00

தவறான பதில்களே

கிடைப்பதறிந்தும்

கேட்கப்பட்டுக்கொண்டேயிருக்கின்றன

தவறான கேள்விகள்.

முடிக்காத கவிதை

2008-04-07T01:07:00.000-07:00

முடிக்க முடியாக்
கவிதையொன்று
விழுங்க முடியா
மிடறு போல்
முன் தொண்டையில் தவிக்கிறது.
தேடும் வார்த்தைகளோ
தனிமைப்படுத்துகின்றன...
பெருங்கூட்டத்தின் நடுவேயும்.

சூரியனாய்..

2008-04-02T21:41:00.000-07:00

கலைந்த கனவொன்றைத் தேடி
காற்றில் கரைகிறேன்.
காற்றோ
சிறு ஒளிக்கீற்றாக்கி
என்னை
உனது அறையில்
கசிய விடுகிறது.
நானும் சிறு நிலவாகி
உன்னை வெளிச்சமாக்குகிறேன்.
நீயோ பிரதிபலித்து
என்னை சூரியனாக்குகிறாய்..

உன்னைத் தேடி...

2008-04-01T22:15:00.001-07:00

வண்ணத்துப்பூச்சிகளிடம்
வழி கேட்கிறேன்
வீசும் காற்றில்
வாசம் பார்க்கிறேன்
நிலவிடம்
நிலவரம் அறிகிறேன்
நீ இல்லாத நாட்களில்
வேறென்ன செய்ய
உன்னை தேடுவதன்றி..

தூரிகை உன் கைகள்

2008-03-31T06:49:00.001-07:00

நிலா பிடிக்கும்

உன் கைகள்

காற்றில்

வானவில் வரைகின்றன.

பொதுவாக

2008-03-27T22:17:00.000-07:00

முதுமை

ஆழ்ந்த நித்திரையென்றாலும்

பயமாகவே இருக்கிறது..

லஞ்சம்

முடியாதது என்று

எதுவுமே இல்லை.

சம்பளம்

பிடிக்கா விட்டாலும்

பிடித்தத்துடனே

ஒவ்வொரு மாதமும்.

நீ நான் நாம்

2008-03-20T06:45:00.001-07:00

பெருந்திரளான வார்த்தைகளின் நடுவே
கோர்க்க முடியாக்
கவிதையாய்
நீயும் நம் காதலும்.....

கவலைகள்

2007-01-20T02:41:00.000-08:00

நினைவுகள்

2007-01-20T02:39:00.000-08:00

கனவில்....

2007-01-12T02:37:00.000-08:00

உன் வாசம்

2007-01-11T03:44:00.000-08:00

நீ விட்டுச்சென்ற
வாசம் தொலைக்க
என் தோட்டத்து மலர்கள்
முயன்று முயன்று
தோற்றுக்கொண்டிருக்கின்றன.

அழுகுரல்கள்

2007-01-11T03:39:00.000-08:00

மலர்களாய்...

2007-01-11T03:38:00.001-08:00

இசைக் குறிப்பாய்...

2007-01-11T03:36:00.000-08:00

உன் பார்வை

2007-01-11T03:34:00.000-08:00

தூக்கம் தொலைத்தாய்..

2007-01-11T03:10:00.000-08:00

தலைப்பு

2007-01-11T01:31:00.000-08:00

என் உலகம்

2007-01-11T01:05:00.000-08:00

கனவுக்குப்பைகள்

வார்த்தைகளற்ற வாஞ்சைகள்

இந்தியா என்னும் மீடியா உலகம்

கனவுகள்

நிலா பொழியும் நேரத்தில்

காங்கிரஸ் முடியப் போகும் பயணம்

கனவில்

Corporate எனும் கடுஞ்சொல் .

ஜெயலலிதா

பேரறிவாளன், சாந்தன், முருகன்

நீ

நான் நானாக...

நான் நானாக இருப்பதின்சங்கடங்களைநான் மட்டுமே அறிவேன் ...

உனது அழுகை..

படித்ததில் பிடித்தது.

வெளிவரட்டும் தமிழனின் உண்மையான வரலாறு!

படித்ததில் பிடித்தது.

வயதும் வருத்தமும்

நீ,கவிதை ,காரணம்

தேவதைகள்

நான்

உன்..

உன் நினைவுகளற்ற....

நேற்றிரவு...

யாருமல்லாத யாரையோ..

பிரியமற்றே....

இன்னுமொரு...

பொதுவாக...

வார்த்தைகளற்ற...

தமிழகமே!!

முல்லைத்தீவு.

தலைவன் இருக்கிறான்

வலி வலியாகவே..

நீ இருந்தவரை புரியவில்லை

அம்மா

கருப்பு

புரியாத விளக்கங்கள்..

படித்ததில் பிடித்தது..

கேள்வியும் பதிலும்..

முடிக்காத கவிதை

சூரியனாய்..

உன்னைத் தேடி...

தூரிகை உன் கைகள்

பொதுவாக

நீ நான் நாம்

கவலைகள்

நினைவுகள்

கனவில்....

உன் வாசம்

அழுகுரல்கள்

மலர்களாய்...

இசைக் குறிப்பாய்...

உன் பார்வை

தூக்கம் தொலைத்தாய்..

தலைப்பு

என் உலகம்

நான் நானாக இருப்பதின்
சங்கடங்களை
நான் மட்டுமே அறிவேன் ...